A Aikin Kwaso ‘Yan Kasar Najeriya Daga Sudan An Yi Sahun Karshe

 “A ranar Asabar 13 ga watan Mayu, jirgin Tarco Air ya sauka a filin tashin jirage na Nnamdi Azikwe da misalin karfe 8:30 na dare a Abuja, dauke da mutum 147.” Hukumar ta NIDCOM ta wallafa a shafinta na Twitter a ranar Asabar.

Sanarwar ta kara da cewa na kwaso fasinjojin karshen ne daga filin tashin jirage na kasa da kasa da ke Port Sudan.

Wannan zangon fasinjoji na karshe shi ne na 15, wanda hakan ya kai jimullar mutanen da “gwamnatin tarayya” ta kwaso zuwa 2,518 a cewar NIDCOM.

“Babu ran dan Najeriya ko daya da ya salwanta ya zuwa yanzu,” a Sudan a cewar hukumomin Najeriya.